製圖：圖中人
今仔日是 iTaigi 「你的名字」推出5週年 ê 日子。這是啥？簡單講，若是無這个成果，今仔日 ê 教典，就無查名字唸法 ê 功能。這篇，欲共這件代誌詳細記錄一下。
iTaigi 上線了後，阮佇後端資料記錄內底發現有足濟人咧查「人名」 ê 台語唸法（這个工具都毋是按呢用 ê 
），占誠濟版面佮資源。是講，tsiah 濟人咧查，表示有需求。豆腐烏大神 莊銘彥 ，斯當時猶是大學生，就佇一改「械客爽hāi-kheh-sóng」(hackathon) 提案（連結 1），iTaigi 後端工程師 Sih Sîng-hông 共伊指導，佇2018年，生出「你的名字」這个附加功能，予人會當查名姓 ê 台語唸法（連結 2，圖左），佮 iTaigi 仝款有語音合成。（會用「你的名字」，是因為當時彼齣動畫電影足tshìng
）
），占誠濟版面佮資源。是講，tsiah 濟人咧查，表示有需求。豆腐烏大神 莊銘彥 ，斯當時猶是大學生，就佇一改「械客爽hāi-kheh-sóng」(hackathon) 提案（連結 1），iTaigi 後端工程師 Sih Sîng-hông 共伊指導，佇2018年，生出「你的名字」這个附加功能，予人會當查名姓 ê 台語唸法（連結 2，圖左），佮 iTaigi 仝款有語音合成。（會用「你的名字」，是因為當時彼齣動畫電影足tshìng）毋過這个版本 kan-na 共漢字佮臺羅 ê 對應囥入去，提供予伊簡單 ê 規則爾爾，無法度處理例外，查著 ê 唸法難免有錯誤。
後來，教育部認為這个功能誠好，應該愛有官方 ê 版本。除了程式請教銘彥佮丞宏以外，嘛請我推薦會當建立正確內容 ê 人，我隨想著 it-tóo ê 許嘉勇老師。經過 in ê 拍拚，2020年「講我的名」試用版上線（圖中）。
等到教典改版，2023年上線，「講我的名」正式 kap 入去教典，成做這馬 ê 附錄「名姓唸法查詢」（連結 3，圖右）。
紲落來閣有發展喔，教典活用大師 陳建中 為各位教台語 ê 老師設想，推出「做一改講我的名」功能，老師就免一个仔一个共學生 ê 名拍入去矣，請建中佇連結補充。
這是民間、政府合作誠成功 ê 例，值得記錄。人客啊，恁共看，出喙有偌重要，我 kan-na 出喙，就有 hiah 濟人做 hiah 濟工課
。
。
