毛蟹

毋管食過偌濟鹽、行過幾座橋，永遠都會咬著新的石仔、踏落橋枋無仝位的塌空。鹽無食袂佮喙，橋無行袂過溪；石仔袂無去，塌空坉袂平。人人有權利先顧家己，合情合理，阮也毋免傷過厭氣。

若是有一工，袂堪得承擔遮爾濟向望，就來做一隻毛蟹，免食鹽嘛免過橋，閣會當佇海墘仔橫咧行。若予人掠去煠甲紅紅紅，上無，會當看著阮也不止仔有膏，按呢就好。

補一張相片，叫做，無愛tshap你。

ps. 本來只是想欲崁一个浮輪，毋過煞不知不覺去斟酌對比佮鬥句的聲韻，就共伊留落來。